激似三K黨設計 啤酒涉歧視

.

唔好以為美國種族歧視風波告一段落，原來最近有一款啤酒的包裝設計，在外國引起激烈討論。

黑啤、白啤涉歧視？非也，而係一款手工啤，白色包裝加上兩個小孔的設計，被指超似三K黨。

有黑人顧客在酒吧飲完後，回家才發現該啤酒的包裝，認為是「撤底歧視」黑人的品牌，酒吧應該給予提醒。

.

該手工啤名為YELLOW BELLY，包裝又真係激似「白人至上」的三K黨裝扮，之不過，BELLY於2014年開始製造，其實是一款反極端和反對種族歧視的啤酒，只係普通無咁高深嘅顧客，從外表聯想到三K黨。酒吧最終亦有因此向當事人道歉，並將啤酒下架。

事件於facebook曝光後，就有唔少網民認為只係當事人過份敏感，仲取笑當事人「你不如唔好用廁紙，其實都係白色」。

.

不過，啤酒涉歧視又真係唔係第一次，尤其是#MeToo運動後，Leg-Spreader、Slack Alice呢類啤酒再無可能進入各大啤酒節。

業界偶爾就會有「踩中地雷」例子，2018年Heineken都有一輯淡啤酒廣告因歧視被批評，廣告中酒保看到白妹、黑妹，最後在白妹面對打出一句「越淡越好」，令人覺得有膚色歧視。

===============

精選資訊網站「中環街市」 臉書粉絲頁