【熱話】外傭狐臭勁?僱主建議改變飲食習慣
唔知大家知唔知,有個話題,永遠都有人討論,基本上隔一兩年就會有僱主討論——之咪就係外傭異味問題。
話說有外傭僱主出post,話「姐姐狐臭好勁」,臭到唔俾佢抱BB,上網問人解決方法:
「姐姐狐臭好勁,買咗止汗劑俾佢都仲係好x臭!行過佢身邊要閉氣🤭試過好婉轉叫佢用多啲止汗劑,用哂我會再買俾佢。。。點知有次佢就喊哂口話我嫌佢臭唔俾佢抱BB🙈其實臭到咁佢哋自己聞唔到嫁咩」
有人建議用滴露沾棉夾腋下幾分鐘先沖涼,有人就建議去印尼舖買止汗粉,有人就索性叫佢改變飲食習慣:
「我姐開頭都係。用了1.5年食清淡嘢改善了」
有人就話,如果聞到好臭,基本上一定炒。
綜合家庭主婦意見,似乎大家都傾向改變外傭飲食習慣係最佳方法……但唔知點解,小編總係覺得呢個方法唔多人道,你有無試過同事有狐臭呢?平日你會點解決?會唔會去過去同佢講:「你食多啲菜啦﹗」
不如集思廣益分享下~~
===================
19網輕鬆爆料熱線,歡迎舉報老細同事19惡行,立即click入去講畀我哋知啦