【離岸戶口】開戶教學 海外虛擬銀行開戶有乜賣點同要求?

·3 分鐘文章
理財攻防開離岸戶口都可以平有平玩
選擇海外虛擬銀行戶口,不要單睇銀行人氣,更要留心銀行財務實力同開戶便捷度。

部署移民都想開定海外戶口,預先入定錢做生活費。入門之選係外國虛擬銀行,不過揀銀行唔好齋睇名氣,仲要睇申請門檻同銀行財力。

開UK PostBox啟動郵件轉運

開立海外虛擬銀行戶口,英國虛擬銀行係熱門選擇。不過開戶通常要求一個有效英國地址,唔少人會借居英朋友地址登記,唔想麻煩到人,亦可以在UK PostBox開個郵箱。

UK PostBox係一間郵件轉運公司,原理好似我哋網購再搵轉運公司將貨送到香港。在UK PostBox開戶方法唔難,步驟如下:

1.到UK PostBox網頁按SIGN UP

理財攻防開離岸戶口都可以平有平玩
理財攻防開離岸戶口都可以平有平玩

2.揀免月費計劃,再揀倫敦PO Box

3.再揀「Letter PAYG」,收到信時才需要支付1.2英鎊服務費

理財攻防開離岸戶口都可以平有平玩
理財攻防開離岸戶口都可以平有平玩

4.確認Order後,再輸入姓名、電郵、登入密碼、香港地址,揀Personal戶口

理財攻防開離岸戶口都可以平有平玩
理財攻防開離岸戶口都可以平有平玩

5.輸入出生日期、香港電話、開戶原因可填「For Receiving Mail」,收到SMS後按連結登入戶口再拍攝護照及自拍完成登記。

理財攻防開離岸戶口都可以平有平玩
理財攻防開離岸戶口都可以平有平玩

通常數日後戶口就生效,UK PostBox會提供Postal Address同Parcel Address,開虛擬銀行戶口就用Parcel Address登記。

英國虛擬銀行開戶兩大難題

英國虛擬銀行雖然係熱門開戶選擇,但近來「負評」越來越多。例如人氣度最高的Monzo,近大半年持續傳出虧損、財務狀況不穩消息。亦因為海外申請者眾,不斷出現Reject申請情況。另一間Revolut業績同樣牙煙,2019年全年勁蝕1.065億英鎊。

財政不穩固然係一大難題,另一難題係開戶多技術關卡。以Revolut為例,要成功開戶最好買一張英國電話卡收確認SMS,再加UK PostBox地址,並用VPN扮英國上網下載APP同使用BNO護照登記先可以成功開戶。唔怕煩都可以按步驟(參考圖1)登記,但謹記不要大注入錢到戶口,減少銀行執笠錢被套牢風險。

理財攻防開離岸戶口都可以平有平玩
圖1

Dukascopy三大賣點

擔心英國虛銀唔穩陣,亦可考慮瑞士虛擬銀行Dukascopy。Dukascopy對想開立海外戶口港人有三大賣點,首先係銀行有一定實力。Dukascopy早於2004年成立,總部設於瑞士日內瓦,並於多個城市設有辦公室,當中包括香港。Dukascopy公布2020年財報,營收2800萬美元同比增長74%,淨利潤達1380美元。

第二項賣點係開戶便捷,使用香港手機號碼、地址、特區護照或BNO,透過手機App就可以開到戶口(參考圖1),毋須籌措外國地址、電話卡及VPN。第三項賣點係服務多元化及提供存款保障,開立多貨幣戶口,可選擇23種存款外幣,亦可以投資加密貨幣,並提供Debit Card服務。至於存款保障就有10萬瑞士法郎,相當於87萬港元。

Dukascopy對海外客戶開戶規定較寬鬆,不過亦要留意有兩項規矩。一是設有存款5萬美元上限,想存多啲可以用網上Chat或電郵聯絡客戶服務,放寬條件主要考慮你的收入,收入夠多兼提交到證明存款上限可增至10萬美元。二是開戶填妥資料後客戶服務會經App打個Video Call畀你,開戶時先有心理準備簡單回答身份核實問題(如問你姓名同出生日期),完成後同日就可以完成審核開到戶,匯錢到戶口就完成激活程序。之後仲可以經App申請實體Debit Card,實體卡並會寄到香港,方便日後在海外提款及購物。

伸延閱讀:

【匯款海外】移民匯款入門指南

【移民英國】點樣儲英國資產?

【移民英國】去英國打工生活 究竟要交幾多種稅?(收入篇)

【移民英國】去英國打工生活 究竟要交幾多種稅?(生活篇)

【移民外國】移民離港理財教學(清稅強積金篇)

【移民英國】登陸英國前 點開電話卡

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能