的士冇生意 有排被壓價
時下個個職業都難做,尋日就見到有的士行家上載一張order圖,上面寫住「你哋都冇生意啦,75折司機」,行家話係「趁火打劫」,睇落都真係有啲心酸。
有公佈話的士收入暴跌4成,客人趁機叫價,又唔算係太奇怪,之不過平時你做生意,可以同業主傾減租,但班前線的士司機,又真係好少聽過可以減租,結果要自己硬食。
「你哋都冇生意啦,75折司機」呢支旗係由龍堡去屯門,有行家明言點都唔接,仲話「肯接嗰位真係正宗契弟」,有人就話,可能係行家自己搞事。
但點都好,小編真係搵到另一個,落order話機場富豪酒店去青衣100蚊全包;order無人接,個客加到120蚊全包,有的士佬形容係「乞兒加人工」,仲爆料十幾年前一早暗盤120蚊,只係而家浮晒上面。
的士佬無生意,似乎有排被壓價,大家千祈唔好學呀。
來源:的士司機資訊網 Taxi
===================
19網輕鬆爆料熱線,歡迎舉報老細同事19惡行,立即click入去講畀我哋知啦