雅虎香港財經 逆市擴充丨壽司郎網上發文「徵舖」 最少4,500呎 李根興：做法少見但make sense
每日大排長龍的日本迴轉壽司店壽司郎（SUSHIRO），自3年前登陸香港後，已陸續於各區開設分店，截至今年9月已有17間，但仍然希望擴大版圖，今日更於facebook出文「徵舖位」，引起網民提出多個建議，甚至為自己住的一區「拉票」。不過，以壽司郎列出的舖位條件而言，有資深投資者直言搵舖有難度。
壽司郎列出舖位所需條件：
實用面積4,500方呎起
來水：獨立水錶
去水：地台去水
電力：300amp TPN
需要煤氣、樓底高度2.5米起、舖位形狀為四方形及沒有柱身較佳
「呢個呎數嘅舖位真係好少」
資深投資者李根興看了壽司郎的要求後，認為搵舖有難度：「如果實用面積要4,500方呎，即係話建築面積要成6,000方呎，呢啲舖位係難搵㗎，因為一般來講壽司郎係會開喺比較旺嘅位置，我估計佢哋每呎租金平嘅話50蚊至80蚊，貴嘅話100蚊至150蚊都有，個租金範圍都要40萬元至50萬元，視乎舖位位置人流係咪暢旺。」
他續指，公開徵舖會令壽司郎有更多選擇：「坊間呢個呎數嘅舖位真係好少好少好少，咁樣公開搵舖會好好多，好多業主會見到，因為而家係租客嘅市場，好多業主係要跪低，如果見到自己舖位適合就會去搵租客。原理好似請人，俾人知道佢擴充，當賣廣告，等多啲經紀同業主可以搵佢，自然有更多盤源選擇，呢個做法市場上的確少見，但係make sense 。」
網民積極為多區「拉票」
壽司郎的帖文引起網民作出不同的建議，更有網民為自己住的一區「拉票」，例如「沙田唔開番間真係唔好再同我講嘢，堅嬲」、「上水需要你」、「東涌市場潛力極大」、「強烈要求北角區有一間」，甚至有人問「要唔要考慮吓過嚟澳門開分店？」；亦有人笑言「外判搵舖頭嘅責任比網民，高手」、「搵舖都搵義工幫你搵,壽司郎真係天才」；另有指壽司郎「開17間都重係排到癲⋯⋯」。
密切留意BossMind動向！立即CLS
Powered by Mercury
