Comcast入股51% 大阪環球影城換老闆

(綜合報道)(星島日報報道)雖然話主題公園一樣會受到經濟景氣影響，不過，主題公園同電影一樣係畀人發夢嘅地方，就睇 識唔識得變通嘅啫。噚日就傳嚟美國最大嘅有 電視商Comcast，斥資15億美元（116億港元），收購咗大阪環球影城51%股權。至於其餘49%股權，就繼續由高盛、韓國私募MBK Partners等原來老闆繼續持有。 呢次交易，令日本環球影城嘅身價連債在內估值達62億美元（481億港元），值得留意當中包括4000億日圓（258億港元）債務。今次交易聽講係由高盛等原有股東，讓出超過一半嘅股份，放入Comcast持有NBC環球所設立嘅持股公司。 搞哈利波特景點 鹹魚翻生 講開呢個大阪環球影城，自2001年開幕以來，相信唔少香港人都去玩過。佢哋2007年曾經喺東京證交所主板掛牌上市，但係就經歷咗唔少主題樂園都遇過嘅問題，就係入園人數每況愈下，兼且當其時碰啱金融危機，所以喺2009年除牌，接受高盛嘅注資，將佢地私有化。 Comcast原來係冇揸環球影城嘅股權，只係向後者收專利費，不過佢旗下嘅NBC環球係荷里活環球影城同奧蘭多環球影城嘅母公司，又想向海外拓展業務，所以睇中咗大阪呢個有14年歷史嘅環球影城都唔定。 大阪環球影城去年7月新增哈利波特主題景點後，收入同訪客人數鹹魚翻生，截至3月嘅上財年入園人數亦創埋新高，達1270萬人，真 柳暗花明咯。 (財金解密) 投資