【專家分析】鮑威爾「鷹」氣逼人,宜吼最強「高息受惠股」?!
美聯儲一如預期按兵不動,不過最新利率點陣圖顯示,委員預計年底前將進一步加息,主席鮑威爾「鷹」氣逼人,表示將通脹持續降至2%的過程仲有好長嘅路要走,兼且從未打算就任何減息的時間發出訊號!受累美國債息繼續升,隔晚美國科技股捱沽,已經噚日收市轉咗弱勢紅燈嘅恒生科技指數果然要跑輸。
正當大家揸住嘅重磅科技股一路咁跌,牙痛咁聲,有冇諗過其實加息都有受惠股,淨係利息收入都肥仔水!用「EJFQ精明選股」篩選「淨負債權益比率」細過-40%,負值愈大,代表淨現金狀況更加明顯,配合埋近績嘅基本分析評分(F-Score)以及估值,符合以上條件嘅強勢股得番佢 - 中遠海運國際(00517)。
中遠海運國際可以話係市場上能見度最高嘅「高息受惠股」,手頭淨現金高達60.7億,上月公布嘅中期純利大增1倍,當中利息收益貢獻唔少,集團現金回報率為4.01%(2022年同期只係0.73%)。股價之前除完息後好硬淨,好息之徒不妨望多眼。
你或許有興趣
【JPEX案】證監會突「轉軚」,設虛擬資產交易平台「申請中」名單
【中國監管】金融時報:野村香港高級銀行家被禁止離開中國大陸,或與華興資本創始人包凡的調查有關
【內房危機】國統局前官員指內地樓房供應過剩,呼籲房企及早轉型
【內房危機】恒大突公布無資格發新票據,境外債重組恐受打擊
【中國救市】彭博︰中國考慮放寬外資對部分A股持股上限
如欲觀看更多相關文章,請瀏覽 Market Digest