廣告
香港股市 已收市
  • 恒指

    16,541.42
    +148.58 (+0.91%)
     
  • 國指

    5,810.79
    +82.66 (+1.44%)
     
  • 上證綜指

    3,010.66
    +17.52 (+0.59%)
     
  • 滬深300

    3,520.96
    +18.18 (+0.52%)
     
  • 美元

    7.8254
    +0.0024 (+0.03%)
     
  • 人民幣

    0.9228
    -0.0004 (-0.04%)
     
  • 道指

    39,788.23
    +28.15 (+0.07%)
     
  • 標普 500

    5,252.66
    +4.17 (+0.08%)
     
  • 納指

    16,391.79
    -7.74 (-0.05%)
     
  • 日圓

    0.0515
    0.0000 (0.00%)
     
  • 歐元

    8.4500
    -0.0192 (-0.23%)
     
  • 英鎊

    9.8840
    -0.0010 (-0.01%)
     
  • 紐約期油

    82.53
    +1.18 (+1.45%)
     
  • 金價

    2,235.30
    +22.60 (+1.02%)
     
  • Bitcoin

    70,844.09
    +2,269.78 (+3.31%)
     
  • CMC Crypto 200

    885.54
    0.00 (0.00%)
     

【移民台灣】台灣租屋要識租盤類型 更要留意「生活機能」

台灣租屋要識租盤類型-更要留意「生活機能」
登陸台灣,唔少人會選擇先租後買策略解決居住問題

移居台灣打算租屋住,既要了解租盤類型,更要留心租盤的「生活機能」。

租盤類別面積計法大不同

雖然台灣係中文通行地方,但唔少中文用語同香港有好大分別。揀租盤亦會遇到相同問題,單係租盤類型就要解一解畫。

台灣租盤分類中,公寓係指六層以下,樓齡較高、無管理員及電梯的住宅樓,即係類似香港的唐樓。雅房係指與其他宿友共用洗手間及浴室,類似香港的劏房,現時亦有部分雅房租盤以「共居」作賣點,分別係增設休憩室等共用空間。

套房係指設有洗手間、浴室,甚至包埋基本家具電器的豪華房間。想搵「正常」的大廈住宅單位,就要揀電梯大廈或華廈,這兩類租盤都有管理員,部分會設有會所。值得一提係服務式住宅,有時會稱為飯店式管理,又或用我們熟悉的酒店式管理字眼。

想住大一點,可以搵樓中樓、透天厝或別墅。樓中樓意思係一個單位分兩層,並有樓梯貫穿上下兩層,即係香港的複式單位。透天厝同別墅都係獨棟屋,前者用料裝飾較簡單,類似香港新界的村屋,別墅賣點係豪裝,部分會設有電梯,格局像香港豪宅的獨棟別墅。

至於面積計法亦與香港大不同,香港賣樓租樓都用呎作單位,而台灣就習慣用「坪」,一坪相當於35.6呎。「坪」又分「建坪」、「實坪」及「虛坪」,「建坪」即包括露台、走廊、會所在內的建築面積;「實坪」即是實用面積,至於「虛坪」係指走廊、會所等公共空間。

台灣租屋要識租盤類型-更要留意「生活機能」
台灣租盤入門資訊

實地考察「生活機能」

搵租盤除了透過仲介公司(地產經紀),亦可以到熱門的地產網站搵盤,例如591房屋交易台灣租屋網好宅網等。與香港搵租盤一樣,想縮減範圍要先揀心水地區。以台北為例,信義區、新莊區、敦南區都係熱門租屋地區。

廣告

台灣租約期一般為一至兩年,所以揀租盤不能單靠相,必須親身行一轉睇樓。所以有過來人建議初登陸台灣港人,可以短租酒店、Airbnb,讓自己有更多時間揀租盤。

親身睇租盤,不妨預早到物業附近,了解一下區內的「生活機能」。「生活機能」即係我哋所講的社區配套,在物業附近認真走一轉,評估一下公共交通、購物如超市、便利店、診所、銀行、學校等「生活機能」不可少的支援。

睇租盤時,除了留心物業的間隔及保養程度,亦要檢查保安配套。例如物業附近街道是否安全,單位的門窗門鎖是否穩陣。並要查詢物業包括的物件,例如基本家電及家具的狀況。假如租盤合心意,不妨抽時間在晚上再去附近走多轉,了解附近環境是否嘈雜及治安狀況。

即使透過仲介公司搵租盤,簽訂租約前都應要求經紀查核物業業權,並要求房東出示「房屋權狀」或「房屋稅單」,了解物業是否屬於其本人。物業的水電煤、網絡費用,還有附設家電保養費用由房東或租客負責,都需要在租約上訂明。另外簽約前都不宜支付訂金,避免房東走數。

至於押金(按金),與香港一樣採用「兩按一上」安排,即兩個月按金及一個月上期。假如你想提早解除租約,房東一般要求收取約一個月租金違約金,相反房東想提早收樓,亦要支付約一個月租金賠償金給你,不過前提係要徵得你同意提早遷出物業。

另外究竟先租屋、後買樓,抑或直接買樓?有專家指台灣賣樓較買樓難,揀錯樓要甩貨有時幾頭痛,所以都係建議先租後買,住落覺得某個社區適合自己,再慢慢在區內搵盤置業都未遲。

【下載Yahoo財經APP】獲全球超過1700萬人信任的美股投資工具,跨平台同步你的投資組合,一APP掌握TSLA、AAPL、AMZN等美股最新走勢。

伸延閱讀:

【移民台灣】移居台灣投資創業途徑有乜唔同?

【移居澳洲】澳洲租屋有乜選擇?租樓流程係點?

【移居英國】英國租樓不能避免的中伏位

【移民英國】居英港人分享英國租屋親身經驗 封城點睇樓?

【移居英國】居英港人分享租屋親身經驗 房屋類型點分?