移民海外│出發前點部署「養號碼」? 點收聽香港來電

·3 分鐘文章
【移民海外】出發前點部署「養號碼」-點收聽香港來電
移居海外,是否保留香港手機號碼係一大煩惱

唔少人移居海外都想留住香港手機號碼,想「養號碼」就要好好利用平SIM卡,另外仲有兩項方案在海外收聽香港來電。

下載Yahoo財經APP

美股、外匯、加密貨幣免費即時報價,自選投資組合獲取相關新聞提示。

考慮「養號碼」先要睇......

當你部署移居海外時,都可能會思考是否需要保留本地手機號碼。不少過來人都表示考慮一輪後,都會選擇保留。除了為方便與香港親友聯繫,亦因為用開唔少服務或App都以香港號碼登記,保留舊號碼就毋須急住更新登記資料。

考慮「養號碼」,焦點自然係放在發掘最平的SIM卡並啟動攜號轉台(MNP)。不過第一件事反而係望一望自己用緊的手機Plan係咪死約,距離合約完結仲有幾耐。假如距離完約以年計,提早跳船就要補大筆錢其實得不償失,假如你屬於呢種情況就不如按兵不動。

至於距離完約只有幾個月,就可以利用MNP將號碼轉到平Sim卡。現時較熱門選擇有Club Sim、Lucky Sim、Globalsim及3香港國際萬能卡。Club Sim特別之處係可於Club Sim手機App申請MNP,月費低至$58元,Sim卡會寄到你的指定地址。Club Sim另一優勢係只要接收到目的地網絡供應商就可以接收SMS。

【移民海外】出發前點部署「養號碼」-點收聽香港來電
「養號碼」選擇

Lucky Sim賣點提供特長服務有效期的平價plan,例如較受歡迎的兩年3GB漫遊數據Plan轉台價$150,通行地區包括英國、美加、澳洲等移民熱點。初次辦理MNP可透過代理在網上或專門店申請,之後可以在Lucky Sim官網辦理增值。Lucky Sim另一賣點係外國開啟漫遊後可免費接收SMS。

3香港國際萬能卡特色係由指定分銷商銷售,MNP入門選擇有12GB(8GB本地數據+4GB社交媒體數據)$90組合,包括攜號轉台卡及增值券,假如唔急住用本地數據,可待服務到期到3HK網站增值,就可以繼續延長「養號碼」有效期。

Globalsim是聚焦移民或留學海外的供應商,較受歡迎的「養號碼」選擇有$128六年2GB保留號碼套餐,MNP手續費為$50,客戶可到旺角及銅鑼灣門市辦理。年卡4G網絡可在英國、美加、澳洲、台灣通用,並可以免費接收全球SMS。

唔用漫遊點收聽香港來電

保留舊號碼,另一憂慮係在外國收聽香港來電的支出,現時有兩項較受歡迎方案解決此疑難。第一項方案係購買Skype號碼,選擇目標地區購買Skype號碼,就可以將香港手機號碼轉駁至Skype號碼,並透過Skype接聽香港來電。

第二項方案係選用HGC環電寬頻「Hello喂」計劃,原理類似Skype號碼,都係透過配搭香港固網電話號碼手機App,將香港手機號碼轉駁至「Hello喂」號碼,即可以透過Wi-Fi或當地數據網絡以「Hello喂」App接聽香港來電,一年費用$288。

至於幾時完全放棄香港手機號碼?通常一、兩年後,相熟親友都知道你在當地的新號碼,必須用到的服務如網上銀行亦完成更新資料,就可以考慮甩掉香港舊號碼了。

伸延閱讀:

【移民加拿大】加拿大考車 持香港牌有乜著數?

【移民加拿大】加拿大銀行開戶 有乜選擇?香港都開到?

【買起全世界】疫市升勢凌厲 多倫多尚有一類筍盤?

【移民加拿大】留學成移居跳板 了解加拿大學制

【移民英國】倫敦車費好貴 搭地鐵巴士可以點慳錢?

【移民英國】居英港人分享 點搵本地資訊睇幫自己「接地氣」

【移民英國】英國租車自駕攻略 停車加油要「自助」

【移民英國】英國開餐好貴 想慳錢有乜選擇?

【移民英國】山窮水盡可享英國「綜援」?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能