【移民英國】英國火車入門攻略 拆解車票及Railcard種類
移居英國少不免會較遠城市或地區本地遊或探訪親友,除了租車,搭火車係另一熱門選擇。英國搭火車唔平,想慳錢就要了解車票及Railcard種類。
美股、外匯、加密貨幣免費即時報價,自選投資組合獲取相關新聞提示。
綜合鐵路平台:英國國鐵
想了解英國鐵路,英國國鐵(National Rail)最簡易的門檻。英國國鐵聽個名似係國家鐵路公司,其實係由24間民營鐵路公司組成的機構。英國國鐵官網整合成員鐵路公司的路線、票價及班次資料,透過點對點路線查詢功能,你就可以查詢目標出發日子及時間的路線及票價,想購票的話,官網系統就會轉到相關路線鐵路公司網站進行訂票,這時候你可以順手看看有沒有限時優惠。另外亦可以使用Trainline一站式售票網站,可以一次過購買旅程用到的車票,並可以揀選使用Railcard獲得折扣優惠。
本地遊或探訪親友,目的地通常都係熱門大城市或地區,路線很有可能離不開幾間主要鐵路公司。Cross Country貫通英國東南西北大城市;East Midlands Trains主要貫通英格蘭中部及東部如德比郡、南約克郡、諾丁頓郡;ScotRail貫通蘇格蘭地區,包括愛丁堡、格拉斯哥等城市;EuroStar連接倫敦、巴黎、阿姆斯特丹及布魯塞爾等大城市,賣點係車程快捷(倫敦到布魯塞爾只需1小時51分鐘)但車票較貴。
由倫敦出發,有幾個大車站會經常用到,Victoria主要前往倫敦東南部如坎特伯里、蓋威克機場;King’s Cross主要前往英格蘭北部如劍橋、約克及蘇格蘭地區;Paddington主要前往倫敦西邊地區如牛津、巴斯及希斯路機場;St. Pancras主要前往英格蘭中部及東南部,以及怎搭歐洲之星。要留意即使係大車站電梯及扶手電梯都有限,搬大型行李就要有心理準備付出體力。另外班次顯示屏很多時在火車出發前10至15分鐘才顯示乘車月台,有時甚至出發前5分鐘才顯示,所以要密切留心顯示屏資料。
車票種類、Railcard適合乜嘢人買?
基本的點對點車票都分三種,首先係「早鳥票」Advance,通常會在出發日前三個月限量開售,Advance票雖然較平,但不設退票改票要支付手續費及補差價。
其次係Off-peak,即係非繁忙時段車票,一般為早上九點半後及星期六、日,Off-peak票可以支付手續費改日子時間或退票。最後係Anytime,票價固定可乘搭該日任何時間班次,亦可支付手續費改期或退票。
想慳火車費,熱門選擇係支付年費買Railcard。Railcard購買Advance、Off-peak及Anytime都可享優惠,優惠多少睇Railcard種類而定(參考以上鐵路入門表),但不適用於Eurostar、Season Ticket及Advance以外頭等車票。折扣額最勁係16-25 Saver,折扣率達50%,其餘一般為非繁忙時段1/3折扣。使用Railcard要留意須符合條款,例如Two Together Card必須二人同行、Senior Railcard須年滿60歲,而且英國鐵路與日本JR一樣不時查飛,當查飛時須同時出示車票及Railcard實體卡及App。
Railcard可以到官網購買,提供實體卡及數碼版選擇,現在大家都習慣手機不離身,選擇數碼版會較方便。至於買定唔買,以倫敦到愛丁堡為例,持Railcard二人同行來回票平£64,所以一年有幾次搭火車英國本地遊,都肯定可以翻本兼有賺,但假如你很少本地遊又或會優先考慮租車出行,買Railcard就未必化算了。
伸延閱讀: